«Թալիբան» շարժման զինյալների հարձակման ընթացքում աֆղանական բանակի կատարյալ ձախողումը անակնկալ էր ԱՄՆ-ի և դաշնակիցների համար», – այսօր Սենատում մեկնարկած լսումների ժամանակ հայտարարել է Միացյալ Նահանգների պաշտպանության նախարար Լոյդ Օսթինը։
«Այն հանգամանքը, մեր և մեր գործընկերների կողմից մարզված աֆղանական բանակը պարզապես անհետացավ, երբեմն առանց մեկ կրակոց արձակելու, բոլորիս հանկարծակիի բերեց», – հայտարարել է Պենտագոնի ղեկավարը։
«Մենք պետք է ընդունենք դառը իրականությունը։ Մենք այդպես էլ ամբողջությամբ չընկալեցինք Աֆղանստանի Զինված ուժերի բարձրագույն ղեկավարության շարքերում ծաղկող կոռուպցիայի ծավալները», – հայտարարել է Օսթինը։
