Իրանի հյուսիս-արևմուտյան, Ադրբեջանին սահմանակից շրջաններում շարունակվում են երկրի Զինված ուժերի լայնածավալ զորավարժությունները։
Իրանի բանակի ցամաքային զորքերի հրամանատար Քիյումարս Հեյդարիի խոսքով՝ «Խեյբարի ազատագրողները» կոչվող զորավարժություններին մասնակցում են զրահատանկային և հրետանային ստորաբաժանումներ, անօդաչու թռչող սարքեր և ռադիոլոկացիոն սարքավորումներ։
«Զորախաղերը ընթանում են ուղղաթիռների կրակային աջակցությամբ։ Դրանք անց են կացվում երկրի այդ շրջանում զորքերի մարտունակությունը բարձրացնելու նպատակով», – նշել է իրանցի գեներալը։
Զորավարժությունների անցկացմանն այսօր անդրադարձել է նաև Իրանի Պաշտպանության նախարար Մոհամադ Ռեզա Աշտիանին. «Կասկած չկա, որ իրանցի ժողովրդի թշնամիներին, անխոհեմ գործողությունների դեպքում, ջախջախիչ հարված կհասցվի և նրանք ծանր գին կվճարեն նման քայլերի համար»։
