Վարչապետ Նիկոլ Փաշինյանը և նախագահ Արմեն Սարգսյանը հոկտեմբերի 1-ին կայացած հանդիպման ընթացքում քննարկել են արտաքին և ներքին մարտահրավերների հաղթահարմանը վերաբերող հարցեր: Այս մասին հայտնում է վարչապետի աշխատակազմը։
Փաշինյանն ու Սարգսյանը քննարկել են նաև կառավարության առաջնահերթություններին, 2022 թվականի պետական բյուջեի նախագծով նախատեսվող ծրագրերին վերաբերող հարցեր:
Կառավարությունը 2022 թվականի պետբյուջեի նախագիծն ընդունել է սեպտեմբերի 30։ Այն դեռ քննարկվելու է Ազգային ժողովում։ Վարչապետը 2022-ի բյուջեում և կառավարության գործունեության ծրագրում ներկայացված նպատակադրումները հավակնոտ և իրատեսական էր որակել։
