Ադրբեջանի նախագահը հայտարարել է, թե պլանավորում է նոր ջրամբարներ կառուցել «Ղարաբաղյան և Արևելյան Զանգեզուրի տնտեսական շրջաններում»։
«Հստակ քայլեր են ձեռնարկվում, և շատ լուրջ ծրագիր է իրականացվում մեր ազատագրված տարածքներում ջրային պաշարների արդյունավետ օգտագործման ուղղությամբ՝ Արևելյան Զանգեզուրի և Ղարաբաղյան տնտեսական շրջաններում։ Ջրային աղբյուրների բոլոր քարտեզներն արդեն կազմվել են, օրակարգում է նոր ջրամբարների կառուցումը», – «Ինտերֆաքս»-ի ադրբեջանական ծառայության փոխանցմամբ՝ հայտարարել է Ալիևը Թերթերի շրջան այցի ընթացքում։
44-օրյա պատերազմից հետո Լեռնային Ղարաբաղի ջրային ռեսուրսների մի մասը՝ ըստ տարբեր գնահատականների՝ 24 ջրամբարներից 22-ը, անցել է Ադրբեջանի վերահսկողության տակ։ Այդուհանդերձ, Լեռնային Ղարաբաղի ամենամեծը համարվող Սարսանգի ջրամբարը մնացել է Ստեփանակերտի վերահսկողության տակ։
