Թբիլիսին մտադիր չէ Սաակաշվիլիին արտահանձնել Կիևին

Վրաստանը մտադիր չէ Միխեիլ Սաակաշվիլիին արտահանձնել Ուկրաինային։ Վրաստանի փոխվարչապետ Թեա Ծուլուկիանին հայտարարել է, թե նախկին նախագահը պետք է իր պատիժը կրի հայրենիքում։

Նախօրեին Ուկրաինայի նախագահ Վլադիմիր Զելենսկին հայտարարել է, որ Կիևը աշխատելու է բոլոր մակարդակներում՝ վերադարձնելու Ուկրաինայի քաղաքացի հանդիսացող Սաակաշվիլիին։ Զելենսկին միևնույն ժամանակ նշել է, որ տեղյակ չէր Ուկրաինայում պետական պաշտոն զբաղեցնող Սաակաշվիլիի Վրաստան ուղևորության մասին։

8-ամյա բացակայությունից հետո ժամանելով հայրենիք՝ Վրաստանի նախկին նախագահը հոկտեմբերի 1-ին ձերբակալվել է իր դեմ հարուցված մի շարք քրեական գործերի շրջանակում։ Նրա դեմ վրացական դատարանների կողմից կայացված և օրինական ուժ ստացած երկու դատավճիռ կա՝ թբիլիսցի բանկիր Սերգո Գիրգվլիանիի սպանության և պատգամավոր Վալերի Գելաշվիլիի վրա հարձակման գործերով։

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button