Ղարիբաշվիլին ու Հասանովը քննարկել են Վրաստանի և Ադրբեջանի ռազմավարական համագործակցության հարցեր

Վրաստանի վարչապետ Իրակլի Ղարիբաշվիլին այսօր ընդունել է աշխատանքային այցով Թբիլիսիում գտնվող Ադրբեջանի պաշտպանության նախարար Զաքիր Հասանովին։

Վրացական կառավարության մամլո ծառայության փոխանցմամբ՝ կողմերը քննարկել են «Վրաստանի և Ադրբեջանի ռազմավարական համագործակցությանը, անվտանգությանն ուղղված համատեղ նախագծերի հաջող իրականացմանը վերաբերող հարցեր»։

Ադրբեջանի ռազմական գերատեսչության ղեկավարը Վրաստանում է՝ հանդիպելու վրաց և թուրք պաշտոնակիցներին։ Ըստ պաշտոնական աղբյուրների՝ կողմերը քննարկելու են ռազմական, ռազմակրթական և այլ ոլորտներում համագործակցության զարգացման հարցեր։

Վրաստանի վարչապետն անցյալ շաբաթ էր այցելել Ադրբեջան, մինչ Բաքու մեկնելը Ղարիբաշվիլին հայտարարել էր, թե նպատակ ունի հաշտեցնել Ադրբեջանին և Հայաստանին։ «Իմեդի» հեռուստաընկերության հետ զրույցում նա, ազդարարելով նաև Հայաստան այցելելու պլանների մասին, հույս էր հայտնել, որ դրական դեր կխաղա սահմանակից երկրների միջև հարաբերությունների կարգավորման գործում:

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button