![Կախեթիում հանդիպել են Վրաստանի, Թուրքիայի և Ադրբեջանի ՊՆ նախարարները](/wp-content/uploads/sites/8/2021/10/1633434911_Կախեթիում-հանդիպել-են-Վրաստանի-Թուրքիայի-և-Ադրբեջանի-ՊՆ-նախարարները.jpg)
Այսօր Վրաստանի Կախեթիի շրջանում տեղի է ունեցել Վրաստանի, Թուրքիայի և Ադրբեջանի պաշտպանության նախարարների եռակողմ հանդիպումը։
Ջուանշեր Բուրչուլաձեն, Հուլուսի Աքարն ու Զաքիր Հասանովը քննարկել են տարածաշրջանում ռազմա-քաղաքական իրավիճակը, տարածաշրջանային ծրագրերի անվտանգությունն ապահովելու հարցերն ու եռակողմ ձևաչափով ռազմական համագործակցությունը շարունակելու հեռանկարները։
Նշվել է, որ ռազմավարական համագործակցության տվյալ պլատֆորմը հիմնված է փոխվստահության վրա և կարևոր դեր է խաղում տարածաշրջանում խաղաղություն և կայունություն ապահովելու, կայուն զարգացման և ժողովուրդների բարեկեցության համար։
Վրաստանի և Ադրբեջանի պաշտպանության նախարարները երկկողմ համագործակցության պլանի արձանագրություն են ստորագրել։
Նախօրեին Վրաստանի վարչապետ Իրակլի Ղարիբաշվիլին ընդունել էր Թուրքիայի պաշտպանության նախարար Հուլուսի Աքարին։ «Գրուզիա օնլայն»-ի փոխանցմամբ՝ հանդիպմանը քննարկված հիմնական թեմաներն էին պաշտպանական ոլորտում երկկողմ համագործակցությունն ու տարածաշրջանի անվտանգության սպառնալիքները։