![Իտալիայի նախագահ. Շատ կարևոր է ԵԱՀԿ Մինսկի խմբի համանախագահների դերը իրավիճակի կայուն լուծման համար](/wp-content/uploads/sites/8/2021/10/1633529850_Իտալիայի-նախագահ-Շատ-կարևոր-է-ԵԱՀԿ-Մինսկի-խմբի-համանախագահների-դերը.jpg)
Շատ կարևոր է ԵԱՀԿ Մինսկի խմբի համանախագահների դերը իրավիճակի կայուն լուծման համար, Հայաստանի նախագահին հյուրընկալելով և անդրադառնալով ղարաբաղյան խնդրին` ասել է Իտալիայի նախագահը:
«Մենք միանգամայն համոզված ենք, որ վերջնական լուծում կարելի է գտնել բանակցային գործընթացի միջոցով,- ասել է Սերջիո Մատարելլան` շարունակելով, -Անհրաժեշտ է, որ երկկողմ կառուցողական մթնոլորտ ստեղծվի, որպեսզի իրավիճակը կարգավորվի»:
Նախագահի աշխատակազմի հաղորդմամբ` Արմեն Սարգսյանը համաձայնել է իր իտալացի գործընկերոջ հետ` ընդգծելով, որ Լեռնային Ղարաբաղի կարգավիճակի հարցը մնում է չլուծված, լուծումը համանախագահների աջակցությամբ բանակցային ճանապարհն է:
Հանդիպման ընթացքում անդրադարձ է եղել նաև համավարակին. Մատարելլան տեղեկացրել է, որ Իտալիան COVID 19-ի դեմ պատվաստանյութի 45 հազար դեղաչափ է առանձնացրել Հայաստանի համար:
Հայաստանի Հանրապետության պատմության ընթացքում սա երկրի նախագահի առաջին պետական այցն է Իտալիա: Այն մեկնարկել է հոկտեմբերի 5-ին: