«Լևադա» կենտրոնը նոր հարցումներ է հրապարակել, որոնք վկայում են, որ Ռուսաստանի նախագահ Վլադիմիր Պուտինի վարկանիշը հասել է վերջին տասը տարիների մեջ ամենացածր ցուցանիշին։
Ըստ այդմ, այսօր Ռուսաստանում Պուտինին վստահում է հարցվածների 53 տոկոսը, այն դեպքում, երբ 2017-ին այդ ցուցանիշը հասնում էր 71 տոկոսի։ «Լևադան» արձանագրում է, որ վերջին մեկ տարում նվազել է վստահությունը նաև պետական մյուս ինստիտուտների, այդ թվում՝ Պետդումայի, կառավարության ու քաղաքական կուսակցությունների հանդեպ։
Ընդհանուր առմամբ չնայած վարկանիշի նվազմանը, Վլադիմիր Պուտինը մնում է վստահության ամենաբարձր ցուցանիշն ունեցող քաղաքական գործիչը Ռուսաստանում։ Վլադիմիր Վլադիմիրովիչի պաշտոնավարման ներկայիս՝ չորրորդ ժամկետն ավարտվելու է 2024-ին, երբ նա կլինի 72 տարեկան:
