Չորս ընդդիմադիր պատգամավորների պատգամավորական անձեռնմխելիությունը վերացնելու՝ Թուրքիայի նախագահի միջնորդությունը հասել է խորհրդարան:
Քրդամետ Ժողովուրդների դեմոկրատական կուսակցության պատգամավորներ Գարո Փայլանը, Մերալ Դանիշ Բեշթաշը և Հիդա Քայան, նաև Ժողովրդավարական տարածաշրջանների կուսակցության պատգամավոր Սալիհե Այդենիզը, ամենայն հավանականությամբ, քրեական պատասխանատվության կենթարկվեն, եթե զրկվեն անձեռնմխելիությունից:
Թուրքիայում պատգամավորների քրեական հետապնդումը հնարավոր է դարձել 2016 թվականից, երբ Ժողովրդա-հանրապետական և «Ազգայնական շարժում» կուսակցություններն աջակցեցին իշխող «Արդարություն և զարգացում» կուսակցության նախաձեռնած համապատասխան օրինագծին:
