Առնվազն 6 մարդ է զոհվել նախօրեին Վրաստանի Բաթումի քաղաքում շենքերից մեկի մասնակցի փլուզման հետևանքով։ 6 զոհերից 4-ը մի ընտանիքի անդամներ են։
Իրավապահները երեք մարդ են ձերբակալել։ Նրանցից մեկը առաջին հարկի բնակարաններից մեկի սեփականատերն է, մյուս երկուսը վերանորոգող վարպետներ։ Ըստ նախաքննության՝ սեփականատիրոջ պնդմամբ նրանք շինարարական աշխատանքներ են կատարել` կոպտորեն խախտելով անվտանգության կանոնները, ինչը հանգեցրել է 7 հարկանի շենքի մասնակի փլուզմանը։
Հոկտեմբերի 11-ը Վրաստանում սգո օր է հայտարարվել։
