Ադրբեջանի նախագահ Իլհամ Ալիևի խոսքով` Ադրբեջանը կարողացավ ինքնուրույնաբար ապահովել ՄԱԿ-ի Անվտանգության խորհրդի՝ ղարաբաղյան հակամարտությանը վերաբերող չորս բանաձևերի կատարումը։
«Ադրբեջանը վերջ դրեց 30 տարի շարունակվող հակամարտությանը՝ ռազմաքաղաքական միջոցներով ապահովելով իր տարածքային ամբողջականությունն ու պատմական արդարարությունը։ Լեռնային Ղարաբաղի հակամարտությունն այլևս անցյալում է», – հեռուստակամրջի միջոցով դիմելով Չմիացած պետությունների շարժման՝ Բելգրադում ընթացող համաժողովի մասնակիցներին` հայտարարել է Ալիևը։
Այսօր հնչեցրած ելույթում Ադրբեջանի նախագահը նաև նշել է, որ պաշտոնական Բաքուն շարունակում է տարածքային ամբողջականության սկզբունքի ջատագով մնալ։
«Ուժի կիրառմամբ պետությունների տարածքային ամբողջականության խախտումը բացարձակապես անընդունելի է։ Ադրբեջանը լիովին պաշտպանում է բոլոր երկրների ինքնիշխանության և տարածքային ամբողջականության սկզբունքները», – հայտարարում էր Ադրբեջանի նախագահը։
