Հոկտեմբերի 15-ին Բելառուսի նախագահությամբ կգումարվի ԱՊՀ ղեկավարների առցանց նիստ

ԱՊՀ ղեկավարների խորհրդի նիստը տեղի կունենա հոկտեմբերի 15-ին հեռավար եղանակով՝ Բելառուսի նախագահությամբ: Այս մասին այսօր հայտնել է ԱՊՀ Գործադիր կոմիտեն:

Օրակարգում 11 հարցեր են, նախատեսվում է ընդունել հայտարարություն ԱՊՀ ստեղծման 30-ամյակի կապակցությամբ, ինչպես նաև հաստատել փաստաթղթեր կենսաբանական անվտանգության և միգրացիայի բնագավառներում համագործակցությունը խթանելու մասին:

«Նախատեսվում է ստորագրել ևս երկու փաստաթուղթ, խոսքը հանցավոր ճանապարհով ստացված եկամուտների օրինականացումը կանխելու և ահաբեկչության ու զանգվածային ոչնչացման զենքերի տարածման ֆինանսավորման դեմ պայքարելու պայմանագրերի մասին է»,- հայտնել է ԱՊՀ Գործադիր կոմիտեն:

Ենթադրվում է, որ առցանց եղանակով կայանալիք նիստի ընթացքում ԱՊՀ ղեկավարները որոշում կընդունեն 2022 թվականին ԱՊՀ նախագահության մասին:

«Ենթադրվում է, որ ԱՊՀ նախագահությունը հաջորդ տարի կստանձնի Ղազախստանը»,- ասվում է Գործադիր կոմիտեի տարածած հաղորդագրությունում:

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button