Ռուսաստանը և Միացյալ Նահանգները պայմանավորվել են շարունակել խորհրդակցություններն Ուկրաինայի արևելքում հակամարտության կարգավորման հարցում՝ հաշվի առնելով Դոնբասի հատուկ կարգավիճակի վերաբերյալ մոտեցումների համընկնումը:
Այդ մասին այսօր ասել է Ռուսաստանի նախագահ Վլադիմիր Պուտինի աշխատակազմի ղեկավարի տեղակալ Դմիտրի Կոզակն, ով հանդիպել է Մոսկվա այցելած ԱՄՆ պետական քարտուղարի քաղաքական հարցերով տեղակալ Վիկտորիա Նուլանդի հետ:
«Բանակցույունների ընթացքում վերահաստատվել է Ժնևում {ԱՄՆ և Ռուսաստանի նախագահների հանդիպման ընթացքում} Միացյալ Նահանգների ներկայացրած դիրքորոշումն առ այն, որ առանց ինքնիշխանության ապագա պարամետրերի համաձայնեցման, այլ կերպ ասած՝ առանց Ուկրաինայի կազմում Դոնբասի հատուկ կարգավիճակի ապահովման, հակամարտության կարգավորման գործընթացում առարկայական առաջընթաց դժվար թե լինի»,- ասել է Կոզակը:
Նրա խոսքով, հաշվի առնելով այդ սկզբունքային հարցում դիրքորոշումների համընկնումը, կողմերը որոշել են շարունակել խորհրդակցությունները:
