ABC հեռուստակայանի «Բարի լույս, Ամերիկա» հաղորդաշարը վարող թղթակցի հետ զրույցում ԱՄՆ նախկին առաջին տիկին, նախկին պետքարտուղար և նախագահության նախկին թեկնածու Հիլարի Քլինթոնը խոսել է հանրային կյանքում մնալու դրդապատճառների մասին:
Քլինթոնն այժմ գովազդում է Լուիս Փեննիի հետ համահեղինակած «Ահաբեկչության վիճակ» վերնագրով գիրքը:
«Ինձ շատ է մտահոգում այն, ինչ հիմա տեղի է ունենում մեր երկրում և աշխարհում, ես զգում եմ, որ մեր դեմոկրատիայի ճակատագիրն է վճռվում»,- ասել է դեմոկրատական Քլինթոնն, ով 2016-ի նախագահական ընտրություններում պարտվել է հանրապետական Դոնալդ Թրամփին:
Նա խոստովանել է, որ այդ պարտությունը ցավ է պատճառել և միաժամանակ հավելել, թե 2016-ի ընտրարշավը ոչ թե մեկ անձի, այլ ամբողջ երկրի՝ Ամերիկայի համար էր:
Հիլարի Քլինթոնն ընդգծել է, թե չի հեռանա հանրային կյանքից և իր ուժերի սահմաններում կշարունակի ծառայել երկրին:
