Ադրբեջանի ԶՈւ-ը կրակ են բացել ՊԲ հենակետի ուղղությամբ, կա 6 վիրավոր. Արցախի ՊՆ

Ադրբեջանական զինված ուժերը հոկտեմբերի 14-ի երեկոյան կրակ են բացել Արցախի արևելյան սահմանագոտում տեղակայված ՊԲ մարտական հենակետի ուղղությամբ, ինչի արդյունքում հրազենային վիրավորում է ստացել վեց զինծառայող, հաղորդում է Արցախի պաշտպանության նախարարությունը:

«Միջադեպի մասին անհապաղ տեղեկացվել է Արցախում ՌԴ խաղաղապահ զորակազմի հրամանատարությունը», — հավելում է Պաշտպանության բանակը:

Հայաստանի մարդու իրավունքների պաշտպան Արման Թաթոյանն էլ տեղեկացնում է, որ վիրավորված զինծառայողներից երկուսի վիճակը ծանր է:

«Խոսքը Արցախի Նոր Շեն համայնքի մասին է, որի անմիջական հարևանությամբ են տեղակայված ադրբեջանական զինված ուժերի դիրքերը», — նշում է Թաթոյանը` պնդելով, որ Արցախի Հարավ և մի քանի այլ քաղաքացիական բնակավայրի ուղղությամբ ևս կրակոցներ են արձակվել:

Ադրբեջանի ռազմական գերատեսչությունը հերքում է կրակոցներ արձակելու մասին լուրը` շեշտելով, որ իր զինված ուժերն այս միջադեպի հետ առնչություն չունեն:

Այսօր ավելի վաղ Ադրբեջանի ՊՆ հաղորդել էր, թե «հայկական կողմից արձակված դիպուկահարի կրակոցից սպանվել է ադրբեջանցի զինծառայող»։ Արցախի պաշտպանության նախարարությունը սա հերքել էր` որակելով կեղծ տեղեկություն:

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button