Սիրիայի հյուսիսում քուրդ զինյալների հարձակումները հաճախակի են դարձել, պնդում է Թուրքիան: Այդ կապակցությամբ արտգործնախարար Մևլութ Չավուշօղլուն ասել է, թե «Թուրքիան կանի` ինչ անհրաժեշտ է»։
Նրանից մեկ օր առաջ նախագահ Ռեջեփ Էրդողանն էր ասել, որ Թուրքիայի համբերության բաժակը լցվել է, և Անկարան վճռական է տրամադրված վերացնելու Սիրիայի հյուսիսից եկող սպառնալիքները։
Թուրք պաշտոնյաների պնդմամբ՝ հոկտեմբերի 10-ին քրդական զինյալների արձակած կառավարվող հրթիռների պայթյունի հետևանքով երկու թուրք ոստիկան է զոհվել Թուրքիայի սահմանային Կարկամիշի շրջանում։
Անկարայում երեկ տեղի ունեցած մամուլի ասուլիսում Չավուշօղլուն ասել է, թե ԱՄՆ-ն ու Ռուսաստանը չեն կատարել Սիրիայի սահմանամերձ շրջաններից քրդական կազմակերպությունների զինյալներին հեռացնելու իրենց խոստումը։
