Մինսկում հանդիպել են Հայաստանի, Ադրբեջանի և Ռուսաստանի արտգործնախարարները

Հայաստանի, Ռուսաստանի ու Ադրբեջանի արտգործնախարարներն այսօր հանդիպել են Մինսկում` ռուսական կողմի նախաձեռնությամբ: Նրանք այստեղ մասնակցում են ԱՊՀ արտաքին գործերի նախարարների հավաքին։

Արտաքին քաղաքական գերատեսչությունների ղեկավարները քննարկել են Լեռնային Ղարաբաղի հակամարտությանն առնչվող խնդիրներ, այդ թվում՝ նոյեմբերի 9-ի եռակողմ հայտարարության իրականացման ընթացքը, հայտնում է հայկական կողմը:

Արարատ Միրզոյանն արցախահայության անվտանգության ապահովման համատեքստում կարևորել է ռուս խաղաղապահների ներկայությունը Լեռնային Ղարաբաղում։ Նա ուշադրություն է հրավիրել եռակողմ հայտարարության որոշ դրույթների իրականացված չլինելուն` ընդգծելով հայ ռազմագերիների և այլ պահվող անձանց շուտափույթ ու անվերապահ հայրենադարձման անհրաժեշտությունը։

Չնայած «գերիներին բոլորը բոլորի դիմաց» սկզբունքով վերադարձնելու մասին պայմանավորվածությանը` հայկական կողմը պնդում է, թե տասնյակ հայ զինծառայողներ դեռ մնում են ադրբեջանական բանտերում։ Գերիներին Ադրբեջանը համարում է հանցագործներ՝ պնդելով, որ նրանք հրադադարի համաձայնությունից հետո են հայտնվել Ադրբեջանի տարածքում՝ որպես դիվերսանտներ։

Արարատ Միրզոյանն անդրադարձել է նաև Նյու Յորքում Բայրամովի հետ հանդիպմանը` վերահաստատելով, որ Լեռնային Ղարաբաղի հակամարտության համապարփակ և տևական կարգավորումը պետք է իրականացվի ԵԱՀԿ Մինսկի խմբի համանախագահության ձևաչափի և այդ ձևաչափին տրված միջազգային մանդատի շրջանակներում՝ կողմերին հայտնի սկզբունքների ու տարրերի հիման վրա։

Նախքան եռակողմ հանդիպումը Լավրոն առանձին-առանձին հանդիպել է երկու գործընկերների հետ: Միրզոյանի հետ հանդիպմանը Ռուսաստանի արտգործնախարարն ասել է, թե «Ղարաբաղը միշտ պետք է օգտվի մեր ուշադրությունից»:

Երկկողմ բանակցությունների պատրաստակամության մասին, հիշեցնենք, նաև երկրների ղեկավարների մակարդակով և՛ Երևանը, և՛ Բաքուն էին հայտարարել, ընդ որում՝ Բաքուն պնդում է, որ Երևանը պետք է ստորագրի խաղաղության պայմանագիր Ադրբեջանի հետ։

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button