Դավթյանը կարևորել է ԿԽՄԿ դերը 44-օրյա պատերազմում անհայտ կորած, գերեվարված անձանց ճակատագրերի պարզաբանման գործում

Loading...

Կարմիր խաչի միջազգային կոմիտեի պատվիրակության ղեկավար Թիերի Ռիբոյին ՀՀ զինված ուժերի գլխավոր շտաբի պետ Արտակ Դավթյանի հետ հանդիպմանը նշել է, որ պատվիրակությունն իր լիազորությունների շրջանակներում անում է առավելագույնը 44-օրյա պատերազմի ընթացքում անհայտ կորած, գերեվարված զինծառայողների և քաղաքացիական անձանց ճակատագրերի հարցին լուծում տալու համար:

Հայաստանի պաշտպանության նախարարության փոխանցմամբ՝ Արտակ Դավթյանն իր հերթին կարևորել է այս գործում ԿԽՄԿ դերը։

Հանդիպման ընթացքում կողմերը բարձր են գնահատել ՀՀ զինված ուժերի և Հայաստանում Կարմիր խաչի միջազգային կոմիտեի համագործակցությունը։ Հատուկ ուշադրություն է դարձվել միջազգային մարդասիրական իրավունքի վերաբերյալ ՀՀ զինված ուժերում դասընթացների կազմակերպման, գիտական-մեթոդաբանական պարապմունքների իրականացման հարցերին, սահմանվել են ժամկետներ։

Պատերազմից հետո Ադրբեջանը 108 գերի է վերադարձրել՝ զինծառայողներ և քաղաքացիական անձինք։ Հայկական կողմի ոչ պաշտոնական տվյալներով՝ այսօր Բաքվի բանտերում մի քանի տասնյակ հայ գերիներ են պահվում։ Բաքուն բազմիցս հայտարարել է, թե վերադարձրել է բոլոր գերիներին՝ ադրբեջանական բանտերում պահվող քաղաքացիներին անվանելով «ահաբեկիչներ»։

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button