Ֆրանսիական ոստիկանությունը բերման է ենթարկել երկրի տարածքում գործող հայկական և վրացական հանցավոր խմբերի մի քանի տասնյակ անդամների։ Այս մասին կիրակի օրը հայտարարել է Ֆրանսիայի ժանդարմերիայի ազգային ծառայությունը՝ նշելով, որ գործողությունն իրականացվել է երկրի հյուսիսում գտնվող Ամյեն քաղաքում։
«Լայնածավալ գործողության ընթացքում, որին ժանդարմներից բացի մասնակցում էին նաև Կազմակերպված հանցավորության դեմ պայքարի կենտրոնական վարչության և Ամյեն քաղաքի փրկարարական-որոնողական ծառայության աշխատակիցները, 61 խուզարկություն է իրականացվել, բերման է ենթարկվել 37 մարդ», – նշված է ոստիկանության հայտարարության մեջ։
Ֆրանսիացի իրավապահների պնդմամբ, վնասազերծված հանցավոր խումբը զբաղվում էր ծխախոտի և ավտոմեքենաների մաքսանենգությամբ։
