Ադրբեջանական լրատվամիջոցների փոխանցմամբ՝ Հայաստան է վերադառնում հինգ գերի: Ըստ ադրբեջանական աղբյուրների՝ նրանք դատապարտվել են ոչ ծանր հանցանքների համար։
Պաշտոնական Երևանը դեռ չի մեկնաբանել այս լուրը։
Այսպիսով, Ադրբեջանից վերադարձած գերիների թիվը կհասնի113-ի՝ զինծառայողներ և քաղաքացիական անձինք։ Հայկական կողմի ոչ պաշտոնական տվյալներով՝ այսօր Բաքվի բանտերում մի քանի տասնյակ հայ գերիներ են պահվում։ Բաքուն բազմիցս հայտարարել է, թե վերադարձրել է բոլոր գերիներին՝ ադրբեջանական բանտերում պահվող քաղաքացիներին անվանելով «ահաբեկիչներ»։
Վաղը Մոսկվայում տեղի կունենա Հայաստանի, Ադրբեջանի ու Ռուսաստանի փոխվարչապետերի հերթական հանդիպումը եռակողմ աշխատանքային խմբի շրջանակներում։
