Ադրբեջանում ձերբակալվել են հինգ մահմեդական գործիչներ, որոնք միաժամանակ համագործակցում են Maide առցանց լրատվամիջոցի հետ։ «Թուրան» գործակալության փոխանցմամբ՝ ձերբակալությունն իրականացրած Պետական անվտանգության ծառայությունը չի պարզաբանել պատճառները։
Ադրբեջանական լրատվամիջոցների տեղեկություններով՝ ձերբակալված հոգևորականներից մեկը՝ Սարդար Բաբաևը, 2017 թվականին կալանավորվել և 3 տարվա ազատազրկման էր ենթարկվել կրոնական արարողության կարգը խախտելու մեղադրանքով։ Իրավապաշտպանները նրան ճանաչել են որպես քաղբանտարկյալ։
Հաղորդվում է, որ բոլոր հինգ ձերբակալվածները իրանամետ շրջանակներից են և շիա մահմեդականներ են։
