Ռուսաստանում Ռյազանի շրջանում գտնվող «Էլաստիկ» գործարանի վառոդի արտադրամասում տեղի է ունեցել պայթյուն, որի հետևանքով զոհվել է 16 մարդ: Ռուսաստանի գլխավոր դատախազությունը հայտնել է քրեական գործ հարուցելու մասին:
Պայթյունը որոտացել է առավոտյան ժամին, ինչից հետո գործարանում հրդեհ է բռնկվել:
Դեպքի վայր է մեկնել Ռյազանի շրջանային դատախազության խումբը: Ենթադրվում է, որ պայթյունը տեղի է ունեցել աշխատակիցների կողմից անվտանգության կանոններն անտեսելու հետևանքով: Արտադրամասի շենքն ամբողջությամբ ավերվել է:
Հրդեհաշիջման աշխատանքին մասնակցել է 170 հրշեջ և 50 միավոր տեխնիկա: Ռուսաստանի առողջապահության նախարարության փոխանցմամբ, շրջակա բնակավայրերին վտանգ չի սպառնում:
