Իրանը ամբողջությամբ պատվաստել է բնակչության ավելի քան 35 տոկոսին, հաղորդում է Իսլամական Հանրապետության պաշտոնական ԻՌՆԱ գործակալությունը՝ վկայակոչելով կառավարության կողմից ներկայացված պաշտոնական վիճակագրությունը։
Նույն աղբյուրի փոխանցմամբ` պատվաստանյութի առնվազն մեկ դեղաչափ է ստացել Իրանի բնակչության 60 տոկոսը։ Իրանում պատվաստումներն իրականացվում են բրիտանաշվեդական AstraZeneka, ռուսական Sputnik V, ինչպես նաև չինական և հնդկական պատվաստանյութերով։
Կիրառվում է նաև Իրանում արտադրված Iran Barakat դեղամիջոցը, որով պատվաստվել են երկրի ղեկավարները, մասնավորաբար գերագույն հոգևոր առաջնորդ Ալի Խամենեին։
