ԱՄՆ-ի Պետդեպարտամենտը կարծում է՝ Թուրքիայի հետ տարաձայնությունները լուծելու լավագույն ճանապարհը երկխոսությունն է։ Պետդեպարտամենտի այս հայտարարությունը հնչեց այն բանից հետո, երբ Թուրքիայի նախագահ Ռեջեփ Էրդողանը հետ կանգնեց 10 դեսպաններին, այդ թվում՝ Միացյալ Նահանգների դեսպանին անցանկալի անձ ճանաչելու մտքից։
«Բայդենի վարչակազմը ձգտում է Թուրքիայի հետ համագործակցել ընդհանուր առաջնահերթությունների շուրջ, այնպես, ինչպես ՆԱՏՕ-ի ցանկացած անդամի հետ, մենք կշարունակենք երկխոսությունը որևէ տարաձայնություն լուծելու համար», – երկուշաբթի օրը կայացած ճեպազրույցում ասել է Պետդեպարտամենտի խոսնակ Նեդ Փրայսը։
