Կառավարությունն առաջարկում է Սաակաշվիլիին տեղափոխել Գորիի զինվորական հոսպիտալ. նա համաձայնել է պայմանով

Loading...

Վրաստանի երրորդ նախագահ Միխեիլ Սաակաշվիլիի առողջական խնդիրների շուրջ մտահոգությունների ֆոնին` կառավարությունն առաջարկում է նրան տեղափոխել Գորի քաղաքի զինվորական հոսպիտալ։

Արդարադատության նախարարությունը, սակայն, չի հստակեցրել, թե երբ դա տեղի կունենա։ Սաակաշվիլին արդեն 50 օր է` հացադուլի մեջ է, բժիշկներն ահազանգում են նրա առողջական ծայրահեղ վիճակի մասին։

Քաղաքական գործչին վերջերս բանտային հիվանդանոցում հետազոտած բժիշկների խումբը նրա մոտ մի շարք հիվանդություններ է ախտորոշել, այդ թվում` լյարդային անբավարարություն, զարգացող հիպոկալեմիա, ինչը կարող է հանգեցնել սրտի կանգի, սակավարյունություն, ստամոքսի արյունահոսության հավանականություն: Նախկին նախագահը համաձայնել էր դադարեցնել հացադուլը իրեն քաղաքացիական հիվանդանոց տեղափոխելու պայմանով, ինչը իշխանությունները մերժում են:

Սաակաշվիլին հայտարարել է, թե կտեղափոխվի Գորի քաղաքի զինվորական հոսպիտալ՝ վստահելի անձանց ուղեկցության պայմանով, այս մասին տեղեկացրել է նրա կուսակից Էկա Խերխելուիձեն:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button