Չնայած պահանջարկի անկմանը՝ Toyota-ն կշարունակի սեդաններ արտադրել
03 Հունիս 2021
464
Ճապոնական Toyota ընկերությունը, չնայած համաշխարհային միտումներին, կշարունակի սեդաններ արտադրել:
Այս մասին հայտնում է motor.ru-ն՝ նշելով՝ օր օրի ավելի ու ավելի շատ հաճախորդներ են հրաժարվում 4 դուռ ունեցող այս մեքենաներից՝ հօգուտ քրոսովերների, որոնք համարվում են ավելի գործնական և բազմաֆունկցիոնալ:
Նշվում է, որ այս հարցն առաջացել է ԱՄՆ շուկայում ճապոնական ընկերության արտադրած Corolla մակնիշի մեքենայի նոր տարբերակի՝ Cross-ի ներկայացման ֆոնին: Այս առնչությամբ ավտոարտադրողը նշել է, որ նոր սեդանների զարգացման մեջ ներդրումներ կատարելը «լավ և երկարաժամկետ լուծում է», քանի որ շուկայի այս հատվածը գոյություն ունի և կշարունակվի գոյություն ունենալ ապագայում: Եվ չնայած սեդանի վաճառքները բացասական արդյունքներ են ցույց տալիս, վերջին շրջանում պահանջարկը կարծես թե մի փոքր կայունացել է:
Toyota-ում կարծում են՝ իրենց հաճախորդների թվում դեռևս կան այնպիսի մարդիկ, որոնք սիրում են սեդաններ և հետաքրքրված չեն քրոսովերներ գնելով:
«Նրանց քանակը գուցե նախկինի պես մեծ չէ, բայց այդպիսի մարդիկ գոյություն ունեն»,- վստահեցրել են Toyota-ից:
Նշենք՝ ճապոնական ավտոարտադրողի ռազմավարությունը էապես տարբերվում է այլ ապրանքանիշերի ռազմավարությունից: Օրինակ՝ Ford-ն արդեն իսկ հրաժարվել է սեփական սեդանների արտադրությունից, և Chevrolet-ն այս սեգմենտում զգալիորեն կրճատել է մոդելին պատկանող սեփական արտադրության մեքենաների քանակը:
Hayatsk.info
Հեշթեգներ:
Toyota
