Փաշինյանն ու Պուտինը քննարկել են տարածաշրջանում ստեղծված իրավիճակը

Loading...

Հայաստանի և Ռուսաստանի ղեկավարները արդեն երկրորդ հեռախոսազրույցն են ունեցել այս շաբաթվա ընթացքում։

Վլադիմիր Պուտինն ու Նիկոլ Փաշինյանն այսօր, Կրեմլի հաղորդմամբ, քննարկել են տարածաշրջանում ստեղծված իրավիճակի և դրա կայունացմանն ուղղված միջոցառումները` Լեռնային Ղարաբաղի վերաբերյալ եռակողմ պայմանավորվածությունների կատարման համատեքստում։

Նիկոլ Փաշինյանը շնորհակալություն է հայտնել Ռուսաստանին ակտիվ միջնորդական ջանքերի համար, հաղորդում է Ռուսաստանի նախագահական նստավայրը։

Հայաստանի կառավարությունը դեռ ոչինչ չի հաղորդել հեռախոսազրույցի մասին:

Ռուսաստանի նախագահն ու Հայաստանի վարչապետը հեռախոսազրույց էին ունեցել նաև նոյեմբերի 16-ին` քնարկելով հայ-ադրբեջանական սահմանին տեղի ունեցած միջադեպերը: Ռուսական կողմի միջնորդությամբ այդ օրը երեկոյան հրադադարի պայմանավորվածություն էր ձեռք բերվել:

Հայաստանը պատրաստվում էր գրավոր դիմել Ռուսաստանին ռազմական օգնության համար։ Ինչպես մայիսին՝ հայ-ադրբեջանական սահմանային լարվածության սրացման ժամանակ, այնպես էլ Սյունիքի վերջին մարտերից հետո Ռուսաստանը պատասխանեց դեմարկացիայի ու դելիմիտացիայի առաջարկով։ Արդյոք քննարկվել են այս հարցերը, ռուսական կողմի հաղորդագրության մեջ չի նշվում:

Այնուհետև Նիկոլ Փաշինյանը տեղեկացրել էր, որ Մոսկվայից ստացվել են առաջարկների սահմանազատման ու սահմանագծման վերաբերյալ, անմիջապես էլ հայտարարել` Հայաստանի համար այդ առաջարկություններն ընդունելի են։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button