Սոչիում մեկնարկել է Հայաստանի վարչապետի, Ռուսաստանի և Ադրբեջանի նախագահների հանդիպումը:
«Ազատության» աղբյուրի փոխանցմամբ՝ եռակողմ հանդիպումից հետ Ռուսաստանի նախագահ Վլադիմիր Պուտինը ճեպազրույց կունենա լրագրողների հետ, եթե կողմերին հաջողվի համաձայնության գալ:
Այսօրվա բանակցությունների մասին կարճ հաղորդագրությունում Կրեմլը նշել էր, որ ուշադրության կենտրոնում է լինելու տնտեսական և տրանսպորտային կապերի վերականգնումը:
Եռակողմ հանդիպումից առաջ Ռուսաստանի նախագահը Սոչիում հանդիպել է Ադրբեջանի նախագահ Իլհամ Ալիևի հետ, որի ընթացքում հայտարարել է՝ Պուտին-Ալիև-Փաշինյան հանդիպումը կազմակերպվել է, որպեսզի ռազմական միջադեպեր չլինեն և պայմաններ ստեղծվեն տարածաշրջանում իրավիճակի կայունացման և խաղաղության հաստատման համար։
Այսօրվա բանակցություններից առաջ Կրեմլը նախ Բաքու, ապա Երևան էր գործուղել Ռուսաստանի փոխվարչապետ Ալեքսեյ Օվերչուկին, ով հայ և ադրբեջանցի գործընկերների հետ մոտ 9 ամիս է՝ քննարկում է տարածաշրջանի տնտեսական կապերի ու ճանապարհների ապաշրջափակման հարցը:
