Ցույցեր Լիբանանի խոշոր քաղաքներում՝ տնտեսական ճգնաժամի ու ազգային արժույթի գնանկման դեմ

Լիբանանի խոշորագույն քաղաքներում, այդ թվում՝ Բեյրութում, հարյուրավոր ցուցարարներ փողոց են դուրս եկել տնտեսական ճգնաժամի ու ազգային արժույթի սրընթաց գնանկման դեմ։ Ցուցարարներից ոմանք այրվող անվադողեր են տեղադրել ճանապարհներին՝ երթևեկությունը կաթվածահար անելու համար։

2019-ից ի վեր երկրում տնտեսական ճգնաժամը չի հանգուցալուծվում, բնակչության գերակշռող մեծամասնությունը ապրում է աղքատության մեջ, լիբանանյան ֆունտը արժեզրկվել է մոտ 90 տոկոսով։

Սեպտեմբերին իշխանության եկած Նաջիբ Միկատի կառավարությանը ևս առայժմ չի հաջողվել էական արդյունքներ արձանագրել․ նոր կառավարության աշխատանքը մեկ ամիս է՝ կաթվածահար է, քանի որ կաբինետի անդամները տարաձայնություններ ունեն անցած տարի Բեյրութի նավահանգստում տեղի ունեցած հուժկու պայթյունների հետաքննության շուրջ։

Չնայած օր-օրի խորացող տնտեսական խնդիրներին՝ կաբինետը հոկտեմբերի 12-ից նոր նիստ չի գումարել։

“24 saat”

Bənzər məqalələr

Leave a Reply

Your email address will not be published. Required fields are marked *

Back to top button