Հայաստանի, Ադրբեջանի և Ռուսաստանի փոխվարչապետերի՝ երեկվա հանդիպումից հետո այսօր չի նախատեսվում հայտարարություն, «Ազատությանը» փոխանցեցին Հայաստանի փոխվարչապետ Մհեր Գրիգորյանի աշխատակազմից հավելելով՝ առաջիկա օրերին փոխվարչապետերի՝ երեկ ընդհատված նիստը կշարունակվի։
«Փոխվարչապետերի համանախագահությամբ գործող եռակողմ աշխատանքային խմբի դեկտեմբերի 1-ին կայացած հերթական նիստը կշարունակվի մոտակա օրերին: Դրա արդյունքների մասին կարող ենք խոսել նիստի ավարտից հետո միայն», – մասնավորապես տեղեկացրել են փոխվարչապետի աշխատակազմից։
Այս պահին, սակայն, չի հստակեցվում հաջորդ հանդիպման օրն ու վայրը։
Պուտինը նաև նշել է, որ բանակցություններն անցել են կառուցողական մթնոլորտում։ «Մենք շատ մանրամասն խոսեցինք տնտեսական միջանցքների, առաջին հերթին՝ երկաթուղային և ավտոճանապարհների ապաշրջափակման մասին», – ասել է Ռուսաստանի նախագահը։
