Ներկայումս Հարավային Կովկասում կան անհրաժեշտ պայմաններ կայուն խաղաղության հասնելու համար, հայտարարել է Թուրքիայի արտգործնախարարը Ստոկհոլմում՝ ԵԱՀԿ արտգործնախարարների նիստում։
«Կովկասում հնարավորությունների պատուհան է բացվել՝ ամուր խաղաղության համար։ ԵԱՀԿ Մինսկի խումբը, նրա համանախագահները և մշտական անդամները կարող են իրենց ներդրումն ունենալ այդ հարցում», – ասել է Մևլութ Չավուշօղլուն, ընդգծելով, որ վերջիններս պետք է հաշվի առնեն «տարածաշրջանում ստեղծված նոր իրողությունները»։
Նիստին մասնակցում են նաև Հայաստանի ու Ադրբեջանի արտգործնախարարները։
Երեկ Եվրամիության արտգործնախարարության ներկայացուցիչը հայտարարել էր, որ Բայրամովն ու Միրզոյանն այստեղ երկկողմ հանդիպում կանցկացնեն՝ չորրորդը ղարաբաղյան վերջին պատերազմից հետո։
