«Ռուսաստանը շփումների մեջ է և՛ Բաքվի, և՛ Երևանի հետ։ Մենք ակտիվ աշխատում ենք ձեռք բերված պայմանավորվածությունների հետևողական իրականացման ուղղությամբ, ներառյալ` սահմանային վեճերի կարգավորումը և տրանսպորտային հաղորդակցությունների ապաշրջափակումը Հարավային Կովկասում», – այս մասին այսօր հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Կարևոր է, որպեսզի Ռուսաստանի խորհրդատվական աջակցությամբ աշխատանքներ տարվեն Ադրբեջանի և Հայաստանի միջև պետական սահմանի սահմանազատման և սահմանազատման հարցերով երկկողմ հանձնաժողովի ստեղծման ուղղությամբ։ Ռուսաստանը ակնկալում է երկու երկրների պատվիրակությունների շուտափույթ ձևավորում սահմանազատման և սահմանազատման հարցերում»,- ընդգծել է Ռուսաստանի արտգործնախարարության ներկայացուցիչը։
Մարիա Զախարովան նշել է, որ եռակողմ աշխատանքային խմբի շրջանակներում ջանքեր են գործադրվում տարածաշրջանում բոլոր տնտեսական և տրանսպորտային հաղորդակցությունների ապաշրջափակման ուղղությամբ։
