Վրաստանը պետք է շարունակի պաշտպանական և անվտանգության ոլորտների բարեփոխումները, որպեսզի պատրաստ լինի այն պահին, երբ ՆԱՏՕ-ի անդամ բոլոր պետությունների շրջանում քաղաքական կոնսենսուս կլինի», – այսօր Թբիլիսիում, կառավարության նիստի ավարտին հայտարարել է Վրաստանի ԱԳ նախարար Դավիթ Զալկալիանին։
«Չնայած այն իրողությանը, որ ՆԱՏՕ-ի անդամ պետությունների շրջանում նման կոնսենսուս առայժմ առկա չէ, մենք չպետք է թուլանանք և շարունակենք հետևողական քայլեր ձեռնարկել՝ պատրաստ լինելով [անդամակցության] հարմար պահին», – հայտարարել է վրացական դիվանագիտության ղեկավարը։
