Քաղբանտարկյալ Սալեհ Ռուստամովին ազատ արձակելու պահանջով վաղը Բաքվի կենտրոնում նախատեսված է բողոքի ցույց։
Ադրբեջանի ներքին գործերի նախարարության պաշտոնական ներկայացուցիչ Էհսան Զահիդովը հայտարարել է՝ ցանկացած չհամաձայնեցված ակցիա ոստիկանության կողմից կկասեցվի։
2018-ից անազատության մեջ գտնվող ընդդիմադիր գործիչ Սալեհ Ռուստամովը 7 տարվա ազատազրկման է դատապարտվել՝ կուսակցությունների ֆինանսավորման կարգը խախտելու համար։
Ինքը՝ Ռուստամովը ներկայացված մեղադրանքը շինծու է համարում և, ի նշան բողոքի, արդեն 39-րդ օրն է հացադուլի մեջ է։
Նախօրեին նա փաստաբանի միջոցով փոխանցել է, որ անցնում է «չոր հացադուլի»՝ «տանջանքներին վերջ տալու համար»։
Միացյալ Նահանգների պետքարտուղարությունը պաշտոնական Բաքվին կոչ էր արել ազատ արձակել Ռուստամովին, պնդելով, որ նա մահամերձ վիճակում է։
