Ռուսաստանի փոխարտգործնախարար Սերգեյ Ռյաբոկվը «Ինտերֆաքսին» տված հարցազրույցում ասել է, թե Ռուսաստանը կտրականապես դեմ է Ուկրաինայի անդամակցությանը ՆԱՏՕ-ին և պայքարելու է դրա դեմ։
«Մենք միանշանակ պահանջում ենք հետ կանգնել ՆԱՏՕ-ի` 2008 թվականին Բուխարեստի գագաթնաժողովում ընդունված որոշումից, ըստ որի Ուկրաինան ու Վրաստանը կդառնան ՆԱՏՕ-ի անդամ։ Դա պետք է չեղարկել, վերանայել, ու այդ ժամանակ կարելի է ասել, որ չնայած փոքր, բայց այնուամենայնիվ ճիշտ ուղղությամբ քայլ է կատարվել»։
Նրա ասելով` Արևմուտքի կողմից նման պատրաստակամություն չկա, ուստի Ռուսաստանը ԱՄՆ-ին և նրա դաշնակիցներին ներկայացրել է համալիր, համապարփակ ձևակերպված իր առաջարկները։ «Մի ամբողջ շարք հարցեր, որոնք շուտափույթ լուծում են պահանջում»,- ասել է Ռյաբկովը։
