Մարդու իրավունքների պաշտպանի պաշտոնում հաստատվեց Քրիստինե Գրիգորյանի թեկնածությունը․ հարցը քննարկվում էր Ազգային ժողովի մարդու իրավունքների և հանրային հարցերի մշտական հանձնաժողովում։
Նրա թեկնածությունը հաստատվեց իշխանական պատգամավորների կողմ քվեարկությամբ, ընդիմադիրները դեմ քվեարկեցին:
Գրիգորյանի թեկնածությունն առաջադրել է իշխող «Քաղաքացիական պայմանագիրը»։
40-ամյա Գրիգորյանը 2009-ից եղել է Ազգային ժողովի նախ աշխատակազմի ղեկավարի, այնուհետև խորհրդարանի նախագահի իրավական հարցերով օգնականը։ 2018-ին եղել է փոխվարչապետի խորհրդականը, 2019-ին արդարադատության փոխնախարար է նշանակվել։
Գործող օմբուդսմեն Արման Թաթոյանի պաշտոնավարման ժամկետը կլրանա փետրվարին։
