Վարչապետ Նիկոլ Փաշինյանը Թբիլիսիում առանձնազրույց է ունեցել Վրաստանի կառավարության ղեկավար Իրակլի Ղարիբաշվիլիի հետ։
Երկու երկրների տնտեսական կապերի ընդլայնման մեծ ներուժ կա, ըստ Հայաստանի վարչապետի գրասենյակի, նշել են երկու երկրների կառավարության ղեկավարները՝ շեշտելով՝ ջանքերը պետք է ուղղել՝ այն լավագույնս և արդյունավետ իրացնելու ուղղությամբ։
Փաշինյանն ու Ղարիբաշվիլին մտքեր են փոխանակել նաև Հարավային Կովկասում տեղի ունեցող զարգացումների, ինչպես նաև երկկողմ հետաքրքրություն ներկայացնող այլ հարցերի շուրջ։
Փաշինյանն այսօր է ժամանել Վրաստան՝ մասնակցելու Հայաստանի և Վրաստանի միջև տնտեսական համագործակցության միջկառավարական հանձնաժողովի նիստին։ Նիստի աշխատանքներին կմասնակցեն երկու երկրների կառավարությունների անդամները, ինչպես նաև համապատասխան մասնագիտացված գերատեսչությունների ղեկավարները։
