Թայվանի բանակի տանկային գումարտակը մարտական կրակոցներով վարժանք է անցկացրել` փորձարկելով զրահամեքենային ուժերի մարտական պատրաստվածությունը։
Կենգզիկոու փորձադաշտում դեկտեմբերի 21-ին անցկացրած վարժանքի սցենարով՝ տանկերը կրակոցներով կանխել են հակառակորդի ներխուժումը ծովից։
Թայվանի զինված ուժերում հազար տանկ կա, առաջիկա տարիներին նախատեսվում է ԱՄՆ-ից նոր սպառազինություններ գնել, այդ թվում` 108 նորագույն տանկեր։
Թայվանը անցած դարի կեսերից անջատվել է Չինաստանից։ Պեկինը Թայվանը իր անքակտելի մասն է համարում` պնդելով «մեկ պետություն երկու հասարակարգ» սկզբունքը։
