Անվտանգության խորհրդի քարտուղար Արմեն Գրիգորյանը, այսօր հյուրընկալելով Հավաքական անվտանգության պայմանագրի կազմակերպության գլխավոր քարտուղար Ստանիսլավ Զասին, ներկայացրել է հայ-ադրբեջանական սահմանին տիրող իրավիճակը: Գրիգորյանն ընդգծել է, որ այն Հայաստանի համար առաջնային նշանակություն ունեցող մարտահրավեր է:
Գրիգորյանն ու Զասը կարևորել են սահմանագծման և սահմանազատման գործընթացի շուտափույթ սկսման պայմանների ապահովումը, փոխանցում է ԱԽ քարտուղարի գրասենյակը:
Նրանք նաև քննարկել են ՀԱՊԿ-ում Հայաստանի նախագահության ժամանակաշրջանում իրականացվելիք ծրագրերը, անդրադարձել հայ-ադրբեջանական, տաջիկ-ղրղզական, տաջիկ-աֆղանական սահմանների լարվածության թուլացմանը նպաստելուն:
