Ամերիկյան իշխանությունները պատրաստ են անհրաժեշտության դեպքում քայլեր ձեռնարկել՝ ռուսական շուկաները բաց պահելու Միացյալ Նահանգների արտահանման համար։ Այս մասին ասվում է երեքշաբթի օրը հրապարակված տարեկան զեկույցում, որը Կոնգրեսի համար պատրաստել է ԱՄՆ առևտրային բանակցող Քեթրին Թայի աշխատակազմը։
Առևտրի համաշխարհային կազմակերպության (ԱՀԿ) շրջանակում Մոսկվայի պարտավորությունների կատարմանը վերաբերող հարցերին նվիրված փաստաթղթի համաձայն՝ «վերջին մեկ տարվա ընթացքում Ռուսաստանը շարունակել է շեղվել ԱՀԿ հիմնարար սկզբունքներից՝ խտրականության բացառում, ազատ առևտուր, կանխատեսելիություն, թափանցիկություն և արդար մրցակցություն»։
Ըստ ամերիկյան կողմի՝ «Ռուսաստանը սահմանափակումներ է պահպանում իր սահմաններում, միջոցներ է կիրառում երկրի ներսում առևտուրը զսպելու համար և արդյունաբերական քաղաքականություն է վարում, որը կարծես թե ուղղված է ներմուծման փոխարինմանը»։
