Եվրամիությունն արհեստականորեն ձգձգում է Թուրքիայի հետ վիզային ռեժիմի ազատականացման և նորացված Մաքսային միության ստեղծման հարցերի լուծումը, պնդում է Թուրքիայի ԱԳ նախարար Մևլյութ Չավուշօղլուն։
Թուրքական դիվանագիտության ղեկավարի խոսքով՝ այս երկու հարցերում Բրյուսելում խուսափում են երկխոսությունից։
«Մենք կատարել ենք ԵՄ կողմից առաջ քաշվող պահանջների մեծ մասը։ Եվրոպացիները, սակայն, ժամանակ են շահում՝ հնարավորինս հետաձգելով հարցի լուծումը։ Նրանց հիմնական հաշվարկը նախկինում Թուրքիային տրված խոստումներից հրաժարվելն է»,- պնդում է Չավուշօղլուն։
