Ռուսաստանի գերագույն դատարանը այսօր որոշեց փակել «Մեմորիալ» պատմա-լուսավորչական կազմակերպությունը, որը Ռուսաստանի իշխանությունների կողմից ճանաչվել էր որպես «օտարերկրյա գործակալ»։
«Մեմորիալը» լիկվիդացնելու հայցով դատարան էր դիմել Ռուսաստանի գլխավոր դատախազությունը։
Դատավոր Ալլա Նազարովան այսօր հայտարարեց, որ դատարանը բավարարել է գլխավոր դատախազության հայցը։
Ըստ դատարանի վճռի, փակվելու են «Մեմորիալի» բոլոր մասնաճյուղերը։
«Մեմորիալը» բողոքարկելու է դատարանի վճիռը։ Փաստաբան Մարիա Էյսմոնտը դատարանի որոշումը անօրինական և անհիմն է գնհատել, ասելով, որ բողոքարկելու են այն։
