Հայաստանի մարդու իրավունքների պաշտպան Արման Թաթոյանը երեկ հանդիպում է ունեցել Հայաստանում Ռուսաստանի դեսպան Սերգեյ Կոպիրկինի հետ:
Օմբուդսմենի գրասենյակի փոխանցմամբ՝ քննարկվել են մի շարք հարցեր, այդ թվում՝ կապված Ադրբեջանում պահվող հայ գերիների վերադարձի հրատապության հետ:
Կողմերը պայմանավորվածություն են ձեռք բերել շարունակել համագործակցությունը և տեղեկությունների փոխանակումը մարդու իրավունքների պաշտպանության բնագավառում:
Ադրբեջանական բանտերում, պաշտոնական տվյալներով, այսօր դեռ 50 հայ գերի կա, ոչ պաշտոնական տվյալներով՝ գերիների թիվը 130 է: Մինչև այսօր Հայաստան է վերադարձել 135 գերի։
