Լեռնային Ղարաբաղում տեղակայված ռուսաստանցի խաղաղապահները գալիք տոների կապակցությամբ 8 հազար նվերներ են բաժանել երեխաներին: Այդ մասին այսօր հաղորդել է Ռուսաստանի Դաշնության պաշտպանության նախարարությունը:
«Առաջիկա Ամանորի և Սուրբ Ծնունդի կապակցությամբ ռուսաստանցի խաղաղապահները շնորհավորել են երեխաներին և 8 հազար նվերներ են բաժանել», – ասվում է գերատեսչության հաղորդագրությունում:
Նախարարության փոխանցմամբ, «Մարդասիրական արձագանքման կենտրոնը» մոտ 9 տոննա մարդասիրական օգնություն է բաժանել և տարբեր ակցիաներ է անցկացրել փախստականներին ու կարիքավորներին սատարելու համար:
Բացի այդ, խաղաղապահ կոնտինգենտի բժիշկներն այս ամսվա ընթացքում բուժօգնություն են տրամադրել տեղացի 78 բնակիչների: