«Հյուսիսային հոսք-2»-ի խողովակաշարն ամբողջությամբ գազով լցված է, գտնվում է աշխատանքային ճնշման տակ և պատրաստ է շահագործման։ Այդ մասին երեկ Ռուսաստանի նախագահ Վլադիմիր Պուտինին հայտնել է «Գազպրոմ»-ի ղեկավար Ալեքսեյ Միլլերը։
Ըստ նրա, հիմա խոսքը Եվրոպայինն է՝ գազամուղը կարող է գործարկվել միայն նրանց կողմից թույլտվություն-սերտիֆիկացումից հետո: Բայց նոյեմբերի կեսերից այս գործընթացը կասեցվել է, քանի որ նախագծի օպերատորը նախ պետք է գրանցի դուստր ձեռնարկություն Գերմանիայում և դրան փոխանցի գերմանական հատվածի բաժնետիրական կապիտալը։
