Հոկեյի աշխարհի երիտասարդական առաջնությունն ընթացքում չեղարկվել է՝ «օմիկրոնի» պատճառով

Հոկեյի միջազգային ֆեդերացիան որոշել է չեղարկել դեկտեմբերի 26-ին Կանադայում մեկնարկած աշխարհի երիտասարդական առաջնությունը՝ մրցաշարի մասնակիցների շրջանում կորոնավիրուսի «օմիկրոն» շտամի զանգվածային տարածման պատճառով։

Երեքշաբթի օրը վարակը հայտնաբերվել է Միացյալ Նահանգների հավաքականի երկու հոկեյիստների մոտ։ Երեկոյան թիմը պետք է հանդիպեր Շվեյցարիայի հավաքականի հետ, սակայն ի վերջո դուրս չեկավ խաղին:

Երեկ էլ Չեխիայի հավաքականի խաղացողի մոտ է կորոնավիրուս հայտնաբերվել, այս թիմը նույնպես ստիպված էր հանդիպում բաց թողնել:

Ի վերջո, Սլովակիայի հետ հանդիպման նախօրեին դրական արդյունք է տվել կորոնավիրուսի թեստը, որ հանձնել է Ռուսաստանի հավաքականի առաջատար Մատվեյ Միչկովը։ Վարակը հայտնաբերվել է նաև առաջնության խաղերը սպասարկող հինգ մրցավարների մոտ։

Այնուհետև ֆեդերացիան հայտարարել է մրցաշարը չեղարկելու մասին՝ «բոլոր մասնակիցների առողջությունն ու անվտանգությունն ապահովելու համար»:

Հոկեյի խոշորագույն միջազգային մրցաշարերից մեկը ընթացքում չեղարկելու որոշումն առաջինն է պատմության մեջ։

“24 saat”

Bənzər məqalələr

Leave a Reply

Your email address will not be published. Required fields are marked *

Back to top button