ԱՄՆ-ում 2022-ի առաջին չորս օրում հրազենից 398 մարդ է սպանվել

Loading...

Ամերիկայի Միացյալ Նահանգներում 2022 թվականի առաջին 4 օրում հրազենի կիրառմամբ բռնություններում զոհվել է 398 մարդ, ևս 277-ը տարբեր աստիճանի վնասվածքներ են ստացել:

Այդ տվյալները հրապարակել է «Հրազենային բռնության արխիվ» անվամբ կազմակերպությունը, որը 2013 թվականից է վարում հանցանքների վիճակագրությունը:

ԱՄՆ-ում այս չորս օրում տեղի են ունեցել ինը զանգվածային հրաձգությունների դեպքեր, որոնցից մեկի ընթացքում առնվազն չորս մարդ է սպանվել: 2021 թվականին Միացյալ Նահանգներում 691 զանգվածային հրաձգություն է գրանցվել:

Հրազենային բռնությունը Միացյալ Նահանգներում քրոնիկ սոցիալական հիմնախնդիր է, որը, կարծես թե, լուծում չունի:

ԱՄՆ-ի Հետաքննությունների դաշնային գործակալության տվյալներով, 2021 թվականի հունվարից նոյեմբեր վաճառվել է 17 միլիոն միավոր զենք, դա երկրորդ ամենաբարձր ցուցանիշն է 2000 թվականից ի վեր:

Ըստ նոր հետազոտության արդյունքների, ԱՄՆ-ում զենք ունի չափահասների մեկ երրորդը՝ մոտ 81 միլիոն 400 հազար մարդ, այդ վիճակագրությամբ Միացյալ Նահանգները համարվում է աշխարհում ամենազինված պետությունը:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button