Թուրքիայի և Ղրղըզստանի նախագահներ Սադիր Ժապարովը և Ռեջեփ Էրդողանը այսօր կայացած հեռախոսազրույցի ընթացքում քննարկել են Ղազախստանում ծավալված իրադարձությունները։ Այս մասին հաղորդում է Ղրղըզստանի նախագահի մամուլի ծառայությունը՝ հատուկ ընդգծելով, որ զրույցը կայացել է թուրքական կողմի նախաձեռնությամբ։
Ղրղըզստանը ՀԱՊԿ անդամ միակ պետությունն է, որ առայժմ զերծ է մնում Ղազախստան զորք ուղարկելուց։ Ղրղըզստանի խորհրդարանն այսօր չկարողացավ քվորում ապահովել արտերկիր զինված ստորաբաժանումներ ուղարկելու հարցը քննարկելու համար։
