Ղազախստանի ոստիկանությունը սպառնում է «ոչնչացնել զանգվածային անկարգությունների այն մասնակիցներին, ովքեր վայր չեն դնի զենքը և կշարունակեն դիմադրել»:
Այդ մասին ասել է Ալմաթիի ոստիկանության խոսնակ Սալտանատ Ազիրբեկը:
«Նրանց, ովքեր զենքը չեն հանձնի՝ կոչնչացվեն»,- ասել է Ազիրբեկը և ավելացրել, որ քաղաքներում ուժեղացված հսկողություն է:
Ալմաթիում բոլոր վարչական շենքերն արդեն գտվում են իրավապահների հսկողության տակ, այդ մասին հաղորդել է Ղազախստանի ներքին գործերի նախարարությունը:
